شباب جده

موضوع: شباب جده السبت أبريل 11, 2009 2:37 pm

سلام عليكم

طبعاً شباب جده غير عندهم مصطلحات غريبه تعالوا نتعرف عليها

أابو كلب

الكلمة تنقال لما يكون في شي ما يعجبك يعني زي
>>>>لمن يكون جوالك قديم ومعدوم العافيه تقول عليه جوال أبو كلب ولمن
>>>>يكون قلمك ما بيكتب زي الأوادم ويقطع تقول قلم ابوكلب

أشكل

جات فتره انتشرت دي الكلمة بصورة كبيرة وهيا بشكل عام معناها الطناش
>>>>فلمن تيجي تبغى تطنش شي تقول أديه اشكل ومأخودة من لعبة البلوت او
>>>>الورق للاخوان اللي ما يعرفو معنى البلوت

اطبعوا

من الألفاظ المضحكة جدا وتنقال لمن شخص ما يسمعك ويسأل
>>>>ايش قولت وماتعيد الكلام تاني فتقوله اطبعو

إنبراشه

>>>>نعرف انه لمن بتلعب كوره واحد يدخل عليك معناتها انبرش عليك لكن عند
>>>>الشباب صار لها معنى تاني انبراشة صار معناها انه دخله غلط وسط
>>>>الكلام يعني انه تكون انته والشلة بتهرجوا في موضوع ويجي واحد يقول
>>>>كلام مالو أي علاقة بالموضوع هنا نقول فلان انبرش وهادي تصير
>>>>انبراشه

جنط

>>>>: الكل يعرف جنوط السيارات طبعا لكن اليومين دول برضو صار للجنط
>>>>معنى تاني ..
>>>>يعني لمن واحد يقرفك ويطفشك من كلامو ..
>>>>يقولولك الشباب اعطيلو جنط يعني طناش ..

شاكوش

>>>>: معناها الاصلي طبعا المطرقة لكن دحين صار معناها البنت ولا الولد
>>>>اللي مو حلو نقول عنه شاكوش

شوربة

>>>>: طبعا كلنا نعرف الشوربة احلى شي عندنا هنا شوربة الحب على الفطور
>>>>ياسلام سلم لكن
هنا معناها غير فلمن انته تقول شوربه يعني شي سهل
>>>>فلمن مثلا يكون عندك اختبار ويكون سهل جدا تقول الاختبار كان شوربة

صاروخ

>>>>: طبعا نعرف الصواريخ لكن هنا معناها شي ثاني معناها
>>>>البنت الحلوة فلمن الاولاد يشوفو بنت حلوة يقولو عنها صاروخ

كاي

>>>>: وهادي هيا ضحكة الشباب الجديدة ويضحكوها وقت التريقة والشماتة و
>>>>لا دحين صار الضحك تقول كااااااي بصوت عالي وتمد الألف

والباقي الحلقه القادمه cheers

موضوع: رد: شباب جده السبت أبريل 11, 2009 4:50 pm

هههههههههههههههههه
والله انك صادقه
طيب خدلك مو من كلام شباب جده

موضوع: رد: شباب جده السبت أبريل 11, 2009 8:23 pm

هههههههههههههههههههههههه حلوووووووووووووووووووووة راح اعطيكي جنط خخخخخخخخخخخخخخخخخخخ

موضوع: رد: شباب جده الأحد أبريل 12, 2009 1:38 am

هلا نايس الا خدلك ولا تنسي يالحبيب مثال من يلعبو بلياردوا وواحد يتأخر يقول له هيا يالحبيب

العب

موضوع: رد: شباب جده الأحد أبريل 12, 2009 1:45 am

طيب يابينو ياشاكوشه اعطيني جنط afro

» شباب الكلوركس للتبييض مو لـ....
» تنبيه هام إلى شباب المملكة عامه وشباب الغربية خاصة